Árshátíð FEBRANG var haldinn 21. okt. s.l. Þar var margt sér til gamans gert. Félagar í leiklistarhópnum Frjálslegur fíflagangur fluttu þessa þulu sem Þorsteinn Ó. Markússon samdi. Hann hélt því reyndar fram að bragurinn væri bæði stældur og stolinn.
| Það er margt sem vita þarf er verð ég eldri borgari því merkilega margir hlutir snúast við á stundinni Allir þurfa allavega að eiga fallegt (elli)heimili og lazyboy að sitja í og sjónvarp til að glápa í. |
| Og göngustaf og göngugrind og regnkápu og vaðstígvél og margskipt göngugleraugu með nýjum augasteini í og nýja mjöðm og glæný hné heyrnartæki símatengd og gervitanna tannbursta sem knúinn er með rafmagni. |
| Nauðsynlegt er líka að eiga lyfjakistu harðlæsta fulla af alls kyns lyfjadóti að éta kvölds og morgnana með verkjapillum, vaselíni, Viagra og valium mæli fyrir blóðþrýsting og hóstasaft að dreypa‘í daglega |
| Já nauðsynlegt er sannarlega að halda skrokknum gangandi því aldrei veistu nema að á þig sé einhver glápandi og ef þú verður duglegur í boccia eða leikfimi Þá veist ei fyrr en varir að þú ert á öðru hundraði. |
| Ég veit þú verður þreyttur eftir allt þetta um jólin farðu þá og fleygðu þér í gamla rafmagnsstólinn. |